മരണാനന്തരം ...

എന്‍റെ നിസ്സഹായതയെ ആണ് നീ അഹങ്കാരം എന്ന് വിളിച്ചത് 

എന്‍റെ മരവിപ്പിനെ പുച്ഛമെന്നും ... 

ഫോണിന്‍റെ അങ്ങേ തലക്കലെ നനുത്ത ശബ്ദത്തിനു ജീവനുണ്ടോ 

എന്ന് നീ തിരക്കിയിരുന്നോ ?

തണുത്തുറഞ്ഞ ശരീരത്തില്‍ നിന്നും പുറപ്പെടുന്ന ശബ്ദത്തിനു 

ഇത്രയും വികാരങ്ങളെ അവകാശപെടാനുണ്ടായിരുനനോള്ളൂ ...

ഞാന്‍ മരിച്ചതെന്നാണ് ?

ഞാന്‍ പോലും അറിയാതെ എന്നെ കൊലപ്പെടുത്തിയ ആ രാത്രി നീ എങ്ങനെ അറിയാനാണ് ???

എങ്കിലും ഞാന്‍ നന്ദിയുള്ളവളായിരുന്നു; മരിച്ചെങ്കിലും 

ഞാന്‍ നിന്നെ ഉപേക്ഷിച്ചില്ല ; 

പതിവുകള്‍ തെറ്റിച്ചില്ല ...

എല്ലാം ആവര്‍ത്തിച്ചു കൊണ്ടേയിരുന്നു ..; 

ഒരു മാറ്റവും ഇല്ലാതെ ... 

അപ്പോള്‍ നീ ചോദിച്ചേക്കാം ; ശവത്തിനെന്തു വികാരമെന്ന് ,

അതേ ചോദ്യത്തിനു തന്നെയാണ് ഞാനും ഉത്തരം തേടുന്നത് . . .